Oddvør Johansen

Oddvør Johansen f. 30. oktober 1941 í Havn er føroyskur rithøvundur og organistur, síðan 2007 hevur hon starvast sum organistur í Hoyvíkar kirkju. Hon er dóttir Verland Johansen, urgusmiður, ið hevur smíðað 20 orgul, ið standa í føroyskum kirkjum, og Ebbu Restorff úr Havn. Oddvør hevur fingið tvær føroyskar bókmentavirðislønir fyri ávikavist eina barnabók og eina skaldsøgu.

Pápin var hondverkari, mamman heimaarbeiðandi. Oddvør gekk 9 ár í skúla, var síðani arbeiðskona í eitt ár, fyri síðani at fara á musikkháskúla í Svøríki í eitt ár. Giftist blaðung og nam sær meiri kunnleika í orgulspæli uttanlands. Adopteraði tvey børn, men fór eftir hjúnaskilnað á konservatoriið í Keypmannahavn at læra orgulspæl. Giftist uppaftur og búði trettan ár í Danmark, har hon átti tvey børn. Hevur síðan 1987 búð í Føroyum.

Útgávur

• 1982 Lívsins summar (skaldsøga)
• 1983 Hundalív í Grindavági (barnabók)
• 1988 Skip í eygsjón (barnaskaldsøga)
• 1990 Bella Katrina (stuttsøgusavn)
• 1993 Ein mamma er ein mamma (skaldsøga)
• 1995 Á káta horninum (savn)
• 1998 Í morgin er aftur ein dagur (skaldsøga)
• 2001 Tá ið eg havi málað summarhúsið (skaldsøga)
• 2004 Sebastianshús (skaldsøga)
• 2006 Úr køksvindeyganum (savn)

Bókmentavirðislønir

• 1983 Mentanarvirðisløn M. A. Jacobsens fyri skaldsøguna Lívsins Summar.
• 1988 Barnabókavirðisløn Tórshavnar býráðs fyri bókina Skip í Eygsjón
• 2002 Mentanarvirðisløn M. A. Jacobsens fyri skaldsøguna Tá ið eg havi málað summarhúsið.

Keldur

• Bokasolan.fo.
• BFL.fo, Bókadeild Føroya Lærarafelags.

Slóðir úteftir

• Rit.fo, Rithøvundafelag Føroya, Oddvør Johansen, vangamynd.