South Dakota

Flagg	Skjøldur
Land:	USA
Alment mál:	Enskt
Høvuðsstaður:	Pierre
Størsta býur:	Sioux Falls
Innlima:	9. november 1889
Guvernørur:	M. Michael Rounds (R)
Vídd:	199,905 km²
Íbúgvar (2011):	814 180
fyri km²:	4.05/km²
Tíðarzona:	UTC -7/-6/-5
Heimasíða:	www.sd.gov

South Dakota (enskt: State of South Dakota) er lutstatur í Sambandsríki Amerika við umleið 814 túsund íbúgvar. Høvuðsstaðurin kallast Pierre og størsti býurin er Sioux Falls. Í 1889 bleiv South Dakota lutstatur í USA. Í norðri hevur hann mark við North Dakota, í eystri við Minnesota og Iowa, í suðri við Nebraska, og í vestri við Wyoming og Montana.

Eyknevni hansara er The Mount Rushmore State.

Søga

Upprunafólkið

Siouxindiánarnir og aðrar ættir á grasfløtunum búðu í tipum. Tað vóru tjøld, gjørd úr bisonhúð, sum varð spent á eina træbeinagrind. Tipurnar vóru lættar at seta upp.

Siouxindiánarnir búðu á grasfløtunum í South Dakota. Teir sótu á hestbaki og veiddu bison. Húðina brúktu teir til tjøld og klæði, kjøtið til matna og horn og bein til amboð. Teir vóru raskir at berjast og gitnir fyri dirvi, og teir vóru í mongum víggi við gullgravarar og niðursetumenn, sum tóku land frá indiánunum í Dakota í 1880-árunum. Í 1876 vunnu siouxindiánarnir á tí amerikanska herliðinum í tí nógv umrødda bardaganum við Little Bighorn, Montana. Men seinni vórðu teir riknir inn á friðingarøkini. Nógvir indiánar í Dakota búgva har tann dag í dag.

Sí eisini

• Sambandsríki Amerika

Myndir

Mount Rushmore

USA