Pauli Ellefsen

Pauli Ellefsen

Tíðarskeið	1981 - 1985
Undanmaður	Atli P. Dam
Eftirmaður	Atli P. Dam
Føddur/Fødd	20. apríl 1936 Miðvágur
Flokkur	Sambandsflokkurin

Joen Pauli Højgaard Ellefsen, best kendur sum Pauli Ellefsen, ( 20. apríl 1936 - 24. august 2012), føddur í Miðvági), var føroyskur politikari og ríkisgóðkendur grannskoðari. Hann varð løgmaður í Føroyum frá 5. januar 1981 til til 10. januar 85. Sum ungur var hann fiskimaður, róði út og lærdi harumframt til fjarritara. Síðan flutti hann niður til Keypmannahavnar at lesa til HD í grannskoðan. Meðan hann læs, var hann í starvi hjá revisiónsfirmanum C. Jespersen. Í 1969 gjørdist hann statsgóðkendur grannskoðari. Hann flutti heimaftur til Føroya fyrst í 1970-árunum, har hann eitt skifti hevði grannskoðaravirkið Sundstein & Ellefsen saman við Jógvani Sundstein. Pauli gjørdist av álvara virkin í føroyskum politikki í 1974, tá hann fyri fyrstu ferð var valdur inn á Føroya Løgting fyri Sambandsflokkin. Táverandi formaður Sambandsfloksins, Trygvi Samuelsen, varð ikki afturvaldur, og tí bleiv nýggjur formaður valdur, og valið fall á nývalda Paula Ellefsen. Hann varð formaður floksins til hann valdi ikki at stilla upp aftur í 1990. Pauli var eisini virkin á danska Fólkatinginum, 1. mars 1977 varð hann valdur inn á Fólkatingið fyri fyrstu ferð.

• 1974 - 1990 Formaður Sambandsfloksins.
• 1974 - 1990 Løgtingslimur
• 1978 - 1989 Fólkatingslimur

Keldur

• Løgtingið 150 - Hátíðarrit. Tórshavn 2002, Bind 2, s. 276 (PDF-Download)

Løgmenn í Føroyum undir heimastýrisskipanini

Andrass Samuelsen | Kristian Djurhuus | Peter Mohr Dam | Hákun Djurhuus | Peter Mohr Dam | Kristian Djurhuus | Atli Pætursson Dam | Pauli Ellefsen | Atli Pætursson Dam | Jógvan Sundstein | Atli Pætursson Dam | Marita Petersen | Edmund Joensen | Anfinn Kallsberg | Jóannes Eidesgaard | Kaj Leo Johannesen | Aksel V. Johannesen | Bárður á Steig Nielsen