Tvøroyrar Bóltfelag

Tvøroyrar Bóltfelag
Navn	Tvøroyrar Bóltfelag
Kelinavn	TB
Stovnað	1892
Leikvøllir	Trongisvágur
Formaður	André Dalfoss
Høvuðsvenjari	Jón Johannesen
Liga	Vodafonedeildin
2011	2 í 1. deild, (uppflytari)
Heimasíða	http://www.tb.fo
Heimavøllur Útivøllur

Tvøroyrar Bóltfelag ella TB er eitt fótbóltsfelag av Tvøroyri sum varð stovnað 13. mai 1892. TB er elsta bóltfelag í Føroyum. 16. okt. 2010 var seinasti dystur leiktur á Sevmýri, TB spældi ímóti NSÍ og vann dystin 5-2. Ætlanir eru um at gera nýggjan fótbóltsvøll inni í Trongisvági beint sunnanfyri høllina í Trongisvági. Arbeiðið við at gera vøllin í Trongisvági byrjaði í 2011 og væntast liðugt áðrenn kappingin byrjar um mánaðarskiftið mars/apríl 2012. Í 2011 var heimavøllurin hjá TB Á Skørinum í Hvalba. Umframt at TB er eitt fótbóltsfelag er tað eisini eitt flogbóltsfelag. TB fótbóltur og TB flogbóltur hava tó hvør sína nevnd. Onnur ítróttarfeløg á Tvøroyri og økinum kring Trongisvágsfjørð eru Tvøroyrar Borðtennisfelag (TBF), Froðbiar Sóknar Róðrarfelag og Susvim (Susvim er fyri alla oynna).

TB fótbóltur

Í 2012 spælir TB aftur í bestu fótbóltsdeildini. TB gjørdist nummar tvey í 1. deild í 2011, FC Suðuroy gjørdist nummar eitt. Tað var sera stórur spenningur um 2. plássið millum TB og AB, men TB vann tann dystin. Bæði liðini endaðu við sama stigatali, sum var 61 stig og við sama málmuni sum var 55, tó hevði TB 81 vunnin mál og 26 tapt mál, meðan AB hevði 80 vunnin og 25 tapt mál. Tað at TB hevði skorað eitt mál meira enn AB, gjørdi at TB flutti upp í bestu deildina og AB bleiv verandi í 1. deild. Í 2010 gjørdist TB nummar 3 í 1. deild í 2010. TB hevur vunnið FM heitið 8 ferðir, tað var árini 1943, 1945, 1949, 1951, 1976, 1977, 1980 og 1986. TB hevur vunnið Løgmanssteypið (fyrr Ísafjarðarsúlan) 5 ferðir, tað var árini 1956, 1958, 1960, 1961 og 1977.

Fótbóltshópurin hjá besta liðnum

TB leikararnir Rógvi Joensen og Bárður Dimon í 1. deildardysti millum TB og FC Suðuroy 17. mai 2011. Dysturin endaði 2-2.

Dagført 30. januar 2012

No. Pláss Leikari 1 Má Ivan Stoikovic 2 Ve Tórur Mortensen 3 Ve Eirikur Magnusarson 3 Mi Martin Midjord 4 Ál Aron Sørensen 5 Ve Mikal Jespersen 6 Mi Heini Mortensen 7 Mi Martin Tausen 8 Ál Hanus Mortensen 9 Mi Ragnar Tausen

No. Pláss Leikari 10 Mi Bárður A. Dimon 11 Mi Petur Mortensen 12 Ál Chris H. Craib 12 Ve Magnar Vang 13 Mi Jón Magnusarsson 14 Mi Rógvi Joensen 15 Ve Dmitrije Jancovic 17 Ál Teitur Justinussen Ve Hans Fróði Hansen Mi Bojan Timic

Útvortis ávísingar

• TB.fo
• TBflogbóltur.com