Sumba

Sumba
Postnummar	FO 970
Kommuna	Sumbiar kommuna
Markatal	64
Íbúgvar (2010)	256

Sumba er sunnasta bygd í Suðuroy og harvið eisini í Føroyum. Sumba er ein av gomlu bygdunum í Føroyum við fleiri býlingum og var fyrr millum tær størstu í landinum.^{[tørvar keldu]} Ein er býlingurin í Hørg. Úr Sumba eru nógvar sagnir uppskrivaðar, og ein teirra er "Hargabrøðurnir". Hon er um fýra brøður í Hørg, ið vóru tiltiknir fyri styrki. Einaferð ránsmenn úr Írlandi gjørdu innrás í Hvalba, var boð sent um oynna eftir hjálp. Tá kom dirvið og styrkin hjá Hargabrøðrunum væl við, so teir ikki sluppu longur suður á oynna, men vóru riknir aftur til sjós.^{[tørvar keldu]} Kendasta skaldið í Suðuroy, Poul F. Joensen (1898-1970), var ættaður úr Hørg, og hann nevndi seg viðhvørt "Hargaskaldið".^{[tørvar keldu]}

Myndasavn

• 
  Sumbiar kirkja.
• 
  Sumba er syðsta bygd í Føroyum.
• 
  Sumbingar dansa føroyskan dans í Dansistovuni í Sumba.
• 
  Sumba er brimpláss.
• 
  Bátar og neyst í Sumba.
• 
  Útsýni av Beinisvørði, vestursíðan av Suðuroynni.

Útvortis ávísingar

• Sumba.fo Heimasíðan hjá Sumbiar kommunu.

Sumbiar kommuna

Akrar | Lopra | Sumba | Víkarbyrgi