Suðuroy

Suðuroy
Landafrøði
Vídd	163,7 km²
Vatn	0,8 %
Umsiting
Land	Føroyar
Íbúgvalæra
Fólkatal	4792 (2009)
Íbúgvatættleiki	30,7 /km²

Suðuroy er syðsta oyggj í Føroyum. Landslagið í Suðuroy er sermerkt av djúpum firðum. Umframt framúrskarandi landslagið kann oyggin bjóða eitt breitt úrval av áhugaverdum tilboðum, frá søguríku Sandvík í norði til náttúruvøkru Sumba í sunnan. Størstu býirnir, Tvøroyri og Vágur, liggja við firðir umgirdir av fjøllum.

Vegir eru millum allar bygdir og býir, og ganga hesir gjøgnum bergtakandi náttúrufyribrigdir. Norðastu bygdirnar, Hvalba og Sandvík, hava samband við hvørja aðra gjøgnum eitt av landsins elstu bergholum. Úr hesum bygdum er vakurt útsýni til Føroya einastu mannleysu oyggj, Lítla Dímun.

Hvalba er einasta pláss, har enn verður arbeitt á kolinum. Hov telist millum elstu bygdir í Suðuroy. Og var Hov høvuðssæti hjá Havgrími í víkingatíðini, sum eisini er grivin í Hovi. Porkeri er kend fyri sína sermerktu og vøkru trækirkju frá 1847. Sunnast á oynni liggur Sumba, ið fostrað hevur eitt av Føroya mætastu skaldum, Poul F. Joensen. Á veg til og úr Sumba eftir gamla fjallavegnum er Beinisvørð, 469 m høgt, Føroya næsthægsta fuglabergi, sum alkent er fyri sín vakurleika.

Tað er langt millum ungu fólkini í Suðuroynni. Yngra ættarliðið er burtur, og fá børn koma afturat. Tey ungu, serliga kvinnurnar, rýma av oynni og venda ongantíð aftur. Um gongdin ikki vendur, fer fólkatalið á oynni at minka nógv og skjótt komandi árini. Fólkatalið í Suðuroy er minkað 16 prosent í árunum frá 1985 til 2007. Í sama tíðarskeiði er talið á fólki undir 20 ár minkað 31,5 prosent, og aldursbólkurin 20 til 39 ár minkaður 24,8 prosent.

Beinisvørð

Lopranseiði

Frímerki frá 2004

Bygdir

Sandvík, Hvalba, Trongisvágur, Tvøroyri, Froðba, Øravík, Fámjin, Hov, Porkeri, Vágur, Nes, Akrar, Lopra, Víkarbyrgi, Sumba.

Slóðir

• Suðuroy Myndasavn á Flickr hjá Erik Christensen, Porkeri.
• Faroestamps.fo - Suðuroy
• MF Smyril
• Suðurrás, Suðuroyarportalurin