Richterstigin

Frá Wikipedia, hin frælsa alfrøðin
Tann 12. mars í 2008 var ein harður jarðskjálvti í landslutinum Sichuan í Kina. Skjálvtin máldi 7,9 á Richterstiganum, og fleiri enn 70.000 fólk lótu lív.[1][2] Jarðskjálvtin var so harður, at hann kendist í Beijing, Shanghai og Hanoi í Vjetnam.[3]

Richterstigin er ein háttur at siga frá styrkini á jarðskjálvta. Stigin er logaritmiskur og gongur úr 0 upp í 10. Jarðskjálvtar verða ofta máldir við seismografi.[4] Richterstigin vísir ikki til, hvussu stóran skaða ein jarðskjálvti ger, men harafturímóti til megina í risting­unum í skjálvtamiðdeplinum. Skjálvtamiðdepilin í jarðarskorpuni verður nevnt episentrum. Jarðskjálvtar langt undir jarðarskorpuni kunnu verða máldir ovarlaga á Richterstiganum, men tó bara elva til smávegis skaða. Hinvegin kann ein jarðskjálvti nær jarðarýtuni elva til stórar oyðileggingar, hóast talið á Richterstiganum er lítið. Jarðskjálvtarnir, sum hava rakt fólk harðast, hava vanliga havt eitt virði um 7 ella hægri. Harðasti jarðskjálvtin, sum nakrantíð er máldur, var í Kili í 1960. Hann var 9,5 á Richterstiganum.[5]

Keldulisti[rætta | rætta wikitekst]

  1. nytimes.com
  2. news.sina.com.cn
  3. cbsnews.com
  4. earthquake.usgs.gov
  5. earthquake.usgs.gov