Firouz Gaïni

Firouz Gaini, føddur 1972, er føroyskur antropologur og granskari. Hann hevur føroyska mammu og iranskan pápa, og vaks upp í Noregi og í Føroyum. Hann las antropologi á universitetunum í Oslo og Keypmannahavn innan hann flutti heimaftur til Føroyar og vardi sína doktararitgerð á Fróðskaparsetri Føroya í 2007. Hann var lektari í antropologi á Setrinum í tíðarskeiðinum 2011-2019. Hann varð tilnevndur professari í antropologi á Søgu- og Samfelagsdeildini (SSD), Fróðskaparsetur Føroya, í 2019. Hann hevur gjørt feltarbeiði í Suðurfraklandi, Japan, Grønlandi og Føroyum. Hann hevur arbeitt nógv við barna- og ungdómsgransking, men eisini kyns- og familjugransking. Hann var í einum postdoc-granskingarstarvi á Norsk Senter for Barneforskning, Norges Teknisk-Naturvitenskapelige Universitet í Tróndheimi í tíðarskeiðinum 2012-2015. Hann er granskingarleiðari á SSD og varaumboð í Stýrinum fyri Fróðskaparsetur Føroya. Hann hevur verið formaður í Føroya Fróðskaparfelag og Amnesty International Føroyadeild. Firouz Gaini er abbasonur Sigurð Joensen. Umframt granskingarútgávurnar, so hevur hann eisini útgivið fleiri stuttsøgu og essay-søvn á føroyskum. Firouz Gaini hevur verið ritsjóri í fleiri vísindaligum tíðarritum, t.d. Island Studies Journal og Fróðskaparrit. Hann býr í Havn saman við familju síni. Hann eigur fýra børn.

Bókaútgávur[rætta | rætta wikitekst]

2002 - Føroya Fróðskaparfelag 1952-2002
2004 - Urbscriptum - fimtan tekstir
2006 - Gávur skulu rindast aftur - søgur og greinir
2007 - Ungdómur og ungdómsgransking
2007 - Ungdómur og seinmodernitetur
2008 - Mynstur broytast - Landsverk bygt land í 60 ár
2008 - Miðlar, mentan & seinmodernitetur - Ein antropologisk lýsing av føroyskum ungdómi
2010 - Oyðimarkarbrúðurin - Fimtan ferðafjarrit
2011 - Horvnir menn, søgur. Tórshavn, Mentunargrunnur Studentafelagsins, 2011. 125 síður. ISBN: 978-99918-43-96-4^[1]
2011 - Among the Islanders of the North. An Anthropology of the Faroe Islands
2013 - Lessons of Islands - place and identity in the Faroe Islands
2015 - Atlantic Wayfarers
2015 - Gonguverk samfelagsins. Hugleiðing um tíð og samfelag