Donald Trump

Frá Wikipedia, hin frælsa alfrøðin
Far til: navigatión, leita
Donald Trump
Donald Trump official portrait.jpg
er eitt menniskja
Fødd(ur) 14. jun 1946 í/á Jamaica Hospital
Alma mater Fordham University, Wharton School, The Kew-Forest School, New York Military Academy
Starv ríkmenni, íløgufólk, matstovueigari, yrkisbókahøvundur, íverksetari, politikari, vinnulívsfólk, yvirstættarfólk, byggiharri, vertur fyri Game show, politiskur høvundur, statsmaður, real estate entrepreneur, television producer, filmframleiðari, høvundur, sjónleikari
Politiskur flokkur Republikanski Flokkurin
Trúgv Presbyteranisma
Børn Donald Trump, Jr., Ivanka Trump, Eric Trump, Tiffany Trump, Barron Trump
Foreldur móðir Mary Anne MacLeod faðir Fred Trump
Mál Amerikanskt enskt mál
Undirskrift Donald Trump Signature.svg
Heimasíða https://www.donaldjtrump.com/
Dátuheiti
ISNI 0000 0001 0898 6765
VIAF 49272447, 96270027
LCAuth n85387872
IMDB nm0874339
Commons Donald Trump

Donald John Trump, Sr. (f. 14. juni 1946 í New York City, New York í USA) er forseti USA, valdur fyri Republikanska flokkin á forsetavalinum í USA í november 2016.

Sambært uppteljingini hjá AP 26. mai 2016 hevði Donald Trump tryggjað sær 1238 valmenn. Tað var ein meira enn tað kravdist fyri at kunna verða útnevndur forsetavalevni. Útnevningin av Republikanska forsetavalevninum fór fram, tá Republikanski flokkurin hevði konvent í Ohio 18.-21. juli 2016. Trump fekk ikki stuðul frá týðandi persónum í Republikanska flokkinum. Hvørki Jeb Bush, George H. W. Bush ella George W. Bush søgdu seg vilja atkvøða fyri Donald Trump til forsetavalið. Tað er brot á siðvenjuna í USA, tí fyrrverandi forsetar plaga at stuðla valevninum hjá flokkinum. Eisini aðrir framstandandi republikanarar noktaðu at stuðla honum, t.d. Mitt Romney og John McCain.[1]



Donald Trump er er ytst á høgravonginum í USA. Í januar 2016 gjørdi Trump greitt, at hann ynskti at seta forboð fyri, at muslimar sluppu inn í Amerika, og eitt av kendastu lyftum hansara var at byggja ein stóra múr millum USA og Meksiko. Donald Trump segði eisini, at hann fór at vísa fleiri milliónum ólógligum innflytarum úr landinum, um hann gjørdist amerikanskur forseti á valinum 8. november 2016.[2] Trump skeyt upp undir valstríðnum, at tollgjaldið á kinesiskar vørur skuldi hækka upp til 45 prosent, og skuldsetti Kina fyri at føra búskaparligt kríggj móti USA, og fyri at taka amerikansk arbeiðspláss.[3] Hann er ímóti, at samkynd kunnu ganga í hjúnalag, og hann er eisini ímóti fríari fosturtøku. Trump ætlar at ógilda heilustrygdarskipanina, sum Barack Obama, forseti, setti í verk. Hann hevur eisini lovað at avtaka tær lógir, ið Barack Obama setti í verk, ið loyva børnum av ólógligum tilflytarum at vera verandi í landinum.


Keldur[rætta | rætta wikitekst]

  1. http://www.cnn.com/2016/05/05/politics/mitt-romney-skips-republican-convention/
  2. http://www.cfr.org/campaign2016/donald-trump/on-immigration
  3. http://www.express.co.uk/news/world/666969/China-urges-USA-rational-Trump-Republican-front-runner-US-elections