Vinnuhúsið

Vinnuhúsið (House of Industry) er eitt hús og ein ráðgevandi eind, sum umboðar og arbeiðir fyri at menna vinnulívið í Føroyum. Orðið Vinnuhúsið verður brúkt sum felagsnevnari fyri feløgini, sum í dag eru við til at mynda virksemið í húsinum. Føroya Arbeiðsgevarafelag eigur húsið saman við Havnar Handverksmeistarafelag. Tað er tó Arbeiðsgevarafelagið, sum stendur fyri dagliga rakstrinum, og øll hini vinnufeløgini gjalda fyri at vera við í felags umsitingini. Nevndin í Arbeiðsgevarafelagnum leggur linjurnar fyri arbeiðið í Vinnuhúsinum. Vinnuhúsið veitir ráðgeving í sambandi við sáttmálaspurningar og í sambandi við setanarviðurskifti á privata arbeiðsmarknaðinum. Vinnuhúsið veitir eisini ráðgeving til byggivinnuna og til vinnugreinafeløg og teirra limir. Marita Rasmussen er stjóri í Vinnuhúsinum.

Feløg undir Vinnuhúsinum

• Føroya Arbeiðsgevarafelag
• Føroya Handverksmeistarafelag
• Havnar Handverksmeistarafelag
• Reiðarafelagið fyri Farmaskip
• Føroya Prentsmiðjufelag
• Arbeiðsgevarafelagið hjá fíggjarstovnum í Føroyum
• Havbúnaðarfelagið
• Føroya Ráfiskakeyparafelag
• KT-felagið
• Samskifti
• Handilsvinnufelagið
• Ráðgevarafelagið
• Felagið Peningastovnar
• Ferðavinnufelagið
• Oljuvinnufelagið
• Oljutingið

Útvortis ávísingar

• Industri.fo, Heimasíðan hjá Vinnuhúsinum