Torkil Nielsen

Frá Wikipedia, hin frælsa alfrøðin
Far til: navigatión, leita

Torkil Nielsen (føddur 26. januar 1964) í Sandavági er fyrrverandi føroyskur fótbólsspælari og leikari á føroyska A-landsliðnum, hann er eisini telvari.

Fótbóltsleikari og telvari[rætta | rætta wikitekst]

A-landsliðsleikari, sum skoraði mál fyri Føroyar[rætta | rætta wikitekst]

Torkil Nielsen gjørdist víðakendur, tá hann skeyt tað avgerandi málið í dystinum, sum endaði við 1-0 sigri móti Eysturríki 12. september 1990 í Landskrona. Torkil leikti 18 A-landsdystir fyri Føroya og skoraði 2 mál.

SÍF og FS Vágar leikari[rætta | rætta wikitekst]

Umframt at gera seg galdandi á A-landsliðnum, spældi Torkil Nielsen við SÍF og seinni við FS Vágar, eftir at SÍF og MB vóru løgd saman til eitt felagslið.

Føroyameistari í Talv[rætta | rætta wikitekst]

Torkil er eisini telvari. Hann gjørdist føroyameistari í talv í 1984, 86 og 88. Torkil telvaði á føroyska talv landsliðnum í 1982 í Sveis, í 1984 og 88 í Thessaloniki í Grikkalandi.

Familja[rætta | rætta wikitekst]

Tveir synir Torkils eru telvarar og fótbóltsleikarar eins og pápin. Tann eldri, Rógvi Egilstoft Nielsen (føddur 1992), vann FM í talvi í 2012 og luttók á føroyska talvlandsliðnum á Talv-OL í Turkalandi, hann fekk 4½ stig. Harafturat hevur Rógvi spælt 4 dystir á U19 landsliðnum í fótbólti hjá Føroyum.[1] Yngri sonurin, Høgni Egilstoft Nielsen (føddur 1997) vann FM í talvi í apríl 2014 og setti tvey nýggj met, hann var yngsti telvari nakrantíð ið vann FM og hann var eisini einasti telvarin til tá,[2] ið hevði megnað at vunnið øll talvini í einum talv føroyameistaraskapi. Høgni hevur spælt fleiri dystir á føroyska U17 landsliðnum í fótbólti.[3]

Keldur[rætta | rætta wikitekst]

  1. Faroesoccer.com, Rógvi E. Nielsen
  2. Aktuelt.fo, Eitt umfar eftir – Høgni er yngsti FM-vinnarin nakrantíð
  3. faroesoccer.com, Høgni E. Nielsen

Útvortis ávísingar[rætta | rætta wikitekst]