Tóra við Keldu

Frá Wikipedia, hin frælsa alfrøðin

Tóra við Keldu (f. 1974) er føroyskur svimjari úr Klaksvík. Hon er dóttir Jógvan við Keldu, fyrrverandi borgarstjóra og Betty Skaale. Hon luttók í Paralympisku Leikunum í Seoul, Suðurkorea í 1988, men gavst at svimja, tá hon var 21 ára gomul. Hon starvast sum lærari í Ósáskúlanum í Klaksvík. Tá beiggin Pætur við Keldu luttók í danska Melodi Grand Prix'num, var Tóra við sum kórsangari. Systir Tóru, Gunvá við Keldu var borgarstjóri í Klaksvík 2009-2012 og pápi hennara, Jógvan við Keldu, var borgarstóri í Klakvíkar kommunu 1981-88 og 1993-2000.

Heiðursmerki[rætta | rætta wikitekst]

Tóra vann fleiri heiðursmerki á Paralympisku Leikunum í Seoul í 1988, tvey bronsu og eitt silvur.[1]

Keldur[rætta | rætta wikitekst]

  1. Paralympic.org, luttakarar og heiðursmerki á Paralympisku Leikunum hjá Føroyum
  • Joensen, Dagny: Tvey systkin í Klaksvík. Í: Tráðurin 10/2002.