Sarah Palin

Sarah Palin
Sarah Palin, 16. oktober 2008 í Elon, North Carolina.
Føddur	11. februar 1964 Sandpoint, Idaho USA
Útbúgving	Kommunikatión Stjórnmálafrøði
Yrki	Politikar (R)
Trúgv	Kristin

Sarah Louise Palin (11. februar 1964 í Sandpoint, Idaho) var guvernørur í Alaska í USA. Hon hevur verið varaforsetaevni hjá republikanska forsetavalevninum John McCain. Palin bleiv fødd í Idaho, men vaks upp í Alaska . Palin útihýsur ikki, at hon fer at stilla upp til forseta valið í 2012, sum mótvalevnið hjá Barack Obama . Hon er í løtuni fremsta talskvinnan hjá teirri sokallaðu Tea Party-rørsluni , sum savnar misnøgdar amerikanarar og serliga republikanarar ímóti Barack Obama, forseta og hansara politikki.

Sarah Palin hevur av fyrstani tíð verið ein persónur, ið fólk antin elska ella hata. Serstakliga høgravend, byrsuskjótandi og sterkt ímóti fosturtøku og líknandi etiskum málum. Nú tá hon leggur frá sær, er hon blivin meira kontroversiel enn nakrantíð. Antin er tað gott, at hon leggur frá sær, tí at fjølmiðlarnir gera, at hon ikki fær arbeitt. Ella eisini er tað vánaligt av henni, at hon rennur undan ábyrgd, nú tá tað sær myrkt út fíggjarliga. Harafturat er Palin í seinastuni ákærd fyri, at bera seg skeivt at í fleiri førum, og misbrúkt valdið, sum hon hevur sum guvernørur - tó at hon og viðhaldsfólk hennara siga, at hetta er ein veruleikafjar forfylging av henni.

Guvernørur

Sarah Palin, 3. september 2008 í Saint Paul, Minnesota.

Sarah er tann fyrsta kvinnan í guvernørsessinum í Alaska . Hon er 46 ára gomul, og hon hevur verið guvernørur í Alaska í 5 ár. Sarah skrivaði amerikanska søgu, tá hon 4. desember í 2006 varð vald til ellivta guvenørin í statinum Alaska. Ikki bara er hon fyrsta kvinnan í tí starvinum, hon er eisini yngsta fólk, sum er vald í starvið. Sarah Palin hevur sum guvenørur lagt dent á útbúgving, heilsumál, trygd og undirstøðukervi. Hon er hart í móti fosturtøku , hon vil ikki hoyra talað um, at samkynd sleppa at giftast, og hon er limur í NRA, sterka felagsskapinum, sum virkar fyri, at amerikanarar sleppa at bera skotvápn .

Fyrrverandi varaforsetaevni og guvernørurin í Alaska, Sarah Palin, boðaði 3. juli 2009, at hon ætlar at leggja frá sær sum guvernørur í Alaska. Palin leggur frá sær 26. juli 2009, og tá tekur varamaður hennara, Sean Parnell, við sum guvernørur. Palin hevur ikki sagt nakað um, hví hon ætlar at leggja frá sær. Summir eygleiðarar gita, at hon leggur frá sær, so at hon kann berjast fyri at blíva forseti í 2012. At leggja frá sær skuldi hjálpt, av tí at hon so fær betri tíð til fjølmiðlar og bøkur, meðan tað hinvegin kann vera skaðiligt, av tí at hon tykist blaka ábyrgd frá sær. Aðrir eygleiðarar gita, at hon ætlar sær úr politikki, av tí at hon ikki maktar áhaldandi álopini, krøvini um at vera ein konservativ ímynd, ferðast kring landið, vera mamma og guvernørur í Alaska.

Gallup

Veljarakanningar í Alaska vilja vera við, at Palin var serstakliga væl dámd áðrenn hon bleiv varaforsetaevni, tá eini 93 % av íbúgvunum í Alaska stuðlaðu henni . Nýggjar kanningar vísa tó, at stuðulin er fallin niður á 54 % . Palin boðaði frá, at hon helt tað var skeivt av henni, at halda áfram sum guvernørur í Alaska, av tí at hon ikki stillar uppaftur í ár 2010.

Nýggjastu veljarakanningarnar vísa, at Palin er verri dámd enn nakrantíð, og framvegis spjaðir amerikanska fólkið. 53 % dáma ikki Palin, 40 % dáma hana, meðan 70 % av republikanarunum dáma hana.