Ryan Cochrane

Ryan Cochrane

Persónlig kunning
Fult navn	Ryan Andrew Cochrane
Landslið	Kanada
Fødd(ur)	(1988-10-29) 29. oktober 1988 Victoria, British Columbia
Hædd	1,92 m (6 ft 4 in)
Vekt	80 kg (180 lb)
Ítróttur
Ítróttur	Svimjing
Svimjiháttur	Frísvimjing
Felag	Island Swimming
Heiðursmerkjayvirlit Svimjing hjá monnum Kappast fyri Kanada Olympiskir leikir 2012 London 1500 m frí 2008 Beijing 1500 m frí HM í svimjing (LG) 2009 Rom 1500 m frí 2011 Shanghai 1500 m frí 2011 Shanghai 800 m frí 2013 Barcelona 1500 m frí 2009 Rom 800 m frí 2013 Barcelona 800 m frí HM í svimjing á stuttgeil 2014 Doha 1500 m frí Pan Pacific Championships 2010 Irvine 1500 m frí 2010 Irvine 800 m frí 2014 Gold Coast 800 m frí 2010 Irvine 400 m frí 2014 Gold Coast 1500 m frí 2006 Victoria 800 m frí Commonwealth Games 2010 Delhi 400 m frí 2010 Delhi 1500 m frí 2014 Glasgow 400 m frí 2014 Glasgow 1500 m frí

Ryan Andrew Cochrane (føddur 29. oktober 1988 í Victoria, British Columbia) er kanadiskur svimjari. Hann er olympiskur bronsuvinnari. Hann vann bronsu í 1500 metrar frísvimjing á Olympisku leikunum 2008 í Bejing. Tað var fyrstu ferð í 88 ár at ein kanadiari vann heiðursmerki fyri Kanada í 1500 metra frísvimjing á Olympisku leikunum. Cochrane eigur kanadisku metini í 400, 800 og 1500 metrum frí. Í juli 2011 kappaðist Ryan Cochrane við føroyingin Pál Joensen í finaluni í 1500 metrum frí á heimsmeistarastevnu í Shanghai í Kina. Vinnari gjørdist Yang Sun, sum setti nýtt heimsmet við tíðini 14:34.14, Ryan Cochrane vann silvur við tíðini 14:44.46, Gergo Kis vann bronsu við tíðini 14:45.66 og føroyski Pál Joensen gjørdist akkurát ov stuttur til heiðursmerki, hann gjørdist nummar fýra við tíðini 14:46.33. Cochrane vann eisini silvur í 800 frí í somu kapping. Í 2009 luttók hann á heimsmeistarstevnu í svimjing á langbana 2009 í Róm, tá vann hann silvur í 1500 metrum frí og bronsu í 800 metrum frí. Á Commonwealth Games í 2010 í Dehli vann Cochrane gull í 800 og 1500 metrum frí. Á Pan Pacific Championships svimjistevnuni 2010 í Irvine vann hann gull í 1500 og 800 metrum frí og silvur í 400 metrum frí. Á heimsmeistarastevnuni 2011 á langgeil, sum var í Shanghai, Kina, fekk Cochrane silvur í 800 metrum frí og í 1500 metrum frí. Hann luttekur á Summar OL 2012 í London. Fyrsta dagin svam hann 400 metrar frí, og kom í fyrstu syftu við í finaluna á áttanda plássi við tíðini 3:47.26, men síðan bleiv kolldømingin hjá koreanska Park Tae-Hwan ógildað, og tí kom Cochrane á eitt nýggjundapláss og rakk ikki finaluni. Hann var 10/100 sekund frá finaluplássinum. Næstur honum kom føroyski Pál Joensen, sum manglaði 11/100 sekund at røkka einum plássi í finaluni. Cochrane luttók eisini í 1500 metrar frí á Summar OL 2012. Hann kom í finaluna og vann silvur heiðursmerki við tíðini 14:39.63.