Norðurmarianoyggjar

Commonwealth of the Northern Mariana Islands
Sankattan Siha Na Islas Mariånas

(Flagg Norðurmarianoyggjar) (Skjaldarmerki Norðurmarianoyggjar)
Tjóðarslagorð: Onki
Tjóðsangur: "Gi Talo Gi Halom Tasi" (chamorro) "Satil Matawal Pacifiko" (karolinskt)
Alment mál	Enskt, Chamorro, Karolinskt
Høvuðsstaður	Saipan
Forseti	Barack Obama (D)
Guvernør	Benigno R. Fitial (R)
Fullveldi	Onki1
Vídd  - tilsamans  - vøtn (%)	477 km2 km² 0 %
Íbúgvar  - tilsamans 2007  - tættleiki	86,616 168/km²
Gjaldoyra	Amerikanskur dollari (USD)
Tíðarøki	UTC +10
Økisnavn á alnetinum	.mp
Telefonkota	+1 670
1Norðurmarianoyggjar hevur sjálvstýri, men er undir amerikonskum yvirræði.

Samveldið Norðurmarianoyggjar (enskt: Commonwealth of the Northern Mariana Islands, chamorro: Sankattan Siha Na Islas Mariånas) er ein oyggjabólkur í Kyrrahavinum. Almennu málini eru trý í tali; enskt, chamorro og karolinskt. Á oyggjunum eru fleiri høg eldfjøll, men nú er bara eitt, sum ger um seg. Heitt er veðurlagið, og ofta regnar, so væl fæst burtur úr jørðini. Tað mesta, ið dyrkað verður, er sukurrør og ananas. Triðingurin av útflutninginum er landbúnaðarvørur. Størsti býurin eitur Saipan.

8,0 prosent av fólkinum er arbeiðsleys og miðallívsævin í landinum er 76.7. Undir 3 prosent av fólkinum eru ikki lesifør. BTÚ fyri hvønn íbúgva í landinum er 12.500 $ (69 000 DDK) . Góð 86 616 fólk búðu í 2007 í oyggjunum, av teimum búðu um 62 392 í Saipan. Meginparturin av fólkinum er katolikkar. Økið dregur ferðafólk úr øllum heiminum at sær. Hetta gevur nógvum fólki arbeiði. Ferðafólkavinnan er størsta inntøkan á nógvum oyggjum har. Stóra ferðavinnan gevur væl av sær, men skaðar eisini náttúruna.

Myndasavn

• 
• 
• 
• 

Hygg eisini at

• Sameindu Statirnir Í Amerika