Liverpool

Frá Wikipedia, hin frælsa alfrøðin
Far til: navigatión, leita
Liverpool
The Beatles, teir fýra limirnir í The Beatles komu allir úr Liverpool

Liverpool er ein býur í Onglandi, sum var stovnaður í 1207. Í 2010 búðu 445,200 fólk í sjálvum býnum. Í Liverpool stórbýarøkinum við upplandi búgva umleið 2 milliónir fólk. Liverpool er fjórðstørsti býur í Stóra Bretlandi og triðstørsti býur í Onglandi. Býurin liggur í Merseyside landslutinum. Liverpool er størsti havnabýurin aftan á London; hagar koma hvønn dag farmaskip úr øllum heimspørtum. Tey flestu av teimum føra bummull, men í Liverpool verður eisini uppskipað nógv av tubbakki, sukri og plantuolju. Liverpool er eisini heimstaður hjá tveymum feløgum sum luttaka í ensku Premier League fótbólts kappingini, feløgini eita Liverpool FC og Everton FC. Heimskendi tónleikabólkurin The Beatles var úr Liverpool.