Lena Anderssen

Lena.

Lena Anderssen (fødd 26. september 1974 i Tórshavn) er ein føroysk-kanadisk songkvinna.

Lena hevur valt at útliva dreymin um eitt lív sum yrkistónleikari. Saman við manninum Niclas Johannesen hevur hon síðani seinnu helvt av nítiárunum roynt seg bæði uttanlands og í Føroyum. Í 2005 hava tey satsað miðvíst upp á danska marknaðin. Har hava tey spælt nógvar konsertir, givið út fløgu Can't Erase It, luttikið í nógvum útvarpsendingum, fingið fleiri frálík ummæli og hava verið á konsertferð saman við amerikonsku songkvinnuni Beth Hart.

Lagið Step On The Gas, av nýggju endurljóðblandaðu útgávuni av fløguni Can’t Erase It, hevur verið nógv at hoyrt í útvarpinum í Danmark. Í løtuni (juni 2006) byrjar Can’t Erase It at verða spælt í donskum útvarpi.

Lena er nógv ment sum songkvinna, tekstskrivari og tónasmiður. Hennara inniliga rødd nemur við hjartað hjá mongum, tá hon syngur sínar søgur.

Útgávur

• Long Distance (1998)
• Can't Erase It (2005)
• Let Your Scars Dance (2008)
• Letters From The Faroes (2011)

Heiður

Lena Anderssen vann tríggjar Planet Awards heiðurslønir frá Miðlahúsinum í 2011.

• Planet Awards 2011 - Ársins songkvinna
• Planet Awards 2011 - Ársins einstaklingur
• Planet Awards 2011 - Ársins útgáva
• Planet Awards 2008 - Ársins songkvinna
• Planet Awards 2007 - Besta útgáva: Let Your Scars Dance

Útvortis ávísing

• LenaMusic.com (enskt)
• MySpace.com - Lena Anderssen (enskt)
• Asfalt.fo (føroyskt, kelda)
• Sangtekstir.com