Jens Martin Knudsen
Jens Martin Knudsen (11. juni 1967) var føroyskur fótbóltsspælari til 2007 og er nú venjari. Jens Martin hevur A-venjaraútbúgving.[1]
Í 2012 var útgivin bók við ævisøguni hjá Jens Martini Knudsen við heitinum Maðurin við topphúgvuni[2].
Innihaldsyvirlit |
Altjóða fótbólts lívsleiðin [rætta]
Jens Martin Knudsen man vera heimsins kendasti málmaður í topphúgvu. Hann hevur verið landsliðsmálmaður mong ár og hevur eisini verið málmansvenjari og hjálparvenjari hjá føroyska A-landsliðnum fyri menn.
Sum landsliðsmálmaður hevur Jens Martin Knudsen spælt 65 dystir fyri Føroyar, bara Óli Johannesen hevur spælt fleiri A-landsdystir fyri Føroyar enn Jens Martin.[3]
Fótbólts lívsleiðin (feløg) [rætta]
Jens Martin Knudsen hevur spælt við føroyskum og útlendskum fótbóltsfeløgum.
- 1985-86 NSÍ
- 1986-87 Frederikshavn
- 1988-91 NSÍ
- 1992-97 GÍ
- 1998-99 Leiftur úr Íslandi
- 1999 GÍ
- 1999 Ayr United F.C. úr Skotlandi (lán)
- 2000 B36
- 2000 Leiftur úr Íslandi
- 2001-2007 NSÍ
Málmansvenjari og hjálparvenjari hjá A-landsliðnum [rætta]
Jens Martin Knudsen hevur verið málmansvenjari hjá føroyska A-landsliðnum hjá monnum í fleiri ár. 25. januar 2008 varð hann eisini settur sum hjálparvenjari hjá A-landsliðnum, hann avloysti tá John Petersen (fótbóltsleikari).
Ársins málverji [rætta]
Jens Martin hevur fleiri ferðir verið kosin Ársins málverji í føroyskum fótbólti. T.d. í 2001 og 2002.[4]
Keldur [rætta]
- ↑ Football.fo
- ↑ Holm Johannesen, Uni: Maðurin við topphúgvuni, Sprotin 2012
- ↑ Football.fo
- ↑ B68.fo
- Football.fo, Jens Martin Knudsen settur hjálparvenjari.
- Football.fo, Leikarar 1988-2005.
