Jólamaðurin
Frá Wikipedia, hin frælsa alfrøðin
Jólamaðurin er ein góðvættur, ið sigst bera børnum gávur á jólum - ella fólk, ið er ílatið sum slík. Eyðkennisbúnin er í dag reyð klæði við hvítum skinnkraga og hvítt fullskegg - hóast Marius Johannesen sáli í sanginum "Eg eri jólamaðurin..." letur hann vera í føroyskum klæðum og búgva í heyggi eins og huldufólkini: "Eg eri jólamaðurin við stórum gráum skeggi, í koti og svørtum knæbuksum, eg búgvi í hulduheyggi." Tað er tó útlendska myndin av jólamanninum, ið hevur sigrað. Hugmyndin um jólamannin er við handilsmentan komin uttaneftir, og er sama fyribrigdið sum Santa Claus í enskttalandi heiminum. Upprunin til Santa Claus er Santa Nikolaus frá Myra, sum Niklasarmessa er til minnis um.
