Brandur Enni

Brandur Enni
Brandur Enni í 2009
Føddur	15. apríl 1989 Tvøroyri
Yrki	Sangari, sangskrivari, tónleikari

Brandur Helgason Enni er føddur á Tvøroyri 15. apríl 1989. Hann gjørdist av fyrstan tíð kendur sum partur av væl umtóktu barnafløgunum við Kulum Rótum. 12 ára gamal útgáv hann í 2002 sína debutfløgu, "Waiting in the Moonlight", ið seldi fleiri enn 5.000 eintøk. Síðan 2005 hevur Brandur javnan vitjað í Svøríki, har hann hevur arbeitt saman við lagsmiðunum hjá tónlistaforlagið Air Chrysalis Scandinavia. Samstarvið við Air Chrysalis endaði við, at Brandur varð upptikin á tónleikaskúlan Musikmakarna í Örnsköldsvik í Svøríki. Seinnu árini hevur Brandur lagt seg alt meira eftir at skriva egnar sangir og framføra teir á konsertum og festivalum. Hann hevur havt framførslur á eitt nú Summar Festivalinum, á G! Festivalinum,, á Jóansøkufestivalinum., á Ó-Festivalinum. Tróndur Enni sum eisini er tónleikari og sangari er beiggi Brandur. Teir framføra ofta saman á konsertum í Føroyum. Ein av teimum royndu føroysku poppkomponistunum hevur kallað Brand tann mest lovandi unga popptónasmiðjin í føroyskum tónleiki.

Egnar fløguútgávur

• The Illusion Of, single, 2011
• Sometimes truth needs a lie, single, 2009
• Lifelong Lovesong, single, 2008
• Lullaby, single, 2008
• Brandur, album, 2003
• Brandur, single, 2003
• Still Friends, single, 2003
• Perfect Summer, single, 2002
• The Way I am, documentary, 2002
• Waiting in the Moonlight, debut fløva, 2002

Útgávur við fleiri sangarum

• Christmas Album, fleiri sangarar, 2007
• Dýrd, fleiri sangarar, 2005
• Kular Røtur, barnafløga, 2000
• Mánadags Mortan, børn syngja, 1999

High School Musical 3 sangurin "Right here right now"

Í 2008 sang Brandur duett við Molly Sandén sangin úr Disney filminum High School Musical 3, sum varð umsettur til svenskt. Tey bæði sungu sangin á svenskum, svenska heitið er "Just här, just nu".[1]

Svenska sangkappingin Melodifestivalen 2008

Í 2008 sang Brandur Enni sangin Lullaby í innleiðandi sangkappingini "Melodifestivalen" í Svøríki. Vinnarin kom víðari til "Eurovision Song Contest". Brandur gjørdist nummar 5 og kom ikki víðari til finaluna sum var í Beograd í Serbia. Tað gjørdist Charlotte Perrelli, sum kom at umboða Svøríki til Eurovision sang kappingina.

Planet Awards 2009 - Besti sangari

Á hvørjum ári beint áðrenn nýggjár, letur Miðlahúsið (Sosialurin, Portalurin og Rás 2) virðislønir fyri at heiðra føroyskum tónleiki og føroyskum tónleikarum. Tær sonevndu Planet Awards verða latnar til hesar kategoriir:

• Besti føroyski bólkur ella einstaklingur
• Besta útgáva
• Besta songkvinna
• Besti sangari
• Besti nýggi bólkur
• Besta lagið

Harumframt verður latið "Planet Herðaklapp".

Brandur Enni vann Planet virðisløn í bólkinum "Besti Sangari" í Planet Awards 2009. Í alt 6 virðislønir vóru latnar umframt eitt herðaklapp. Brandur var eisini tilnevndur sum "Besti sangari" til Planet Awards 2010, tó uttan at vinna.

Keldur

• Grein frá portal.fo "Brandur millum tey bestu í Svøríki"
• "Musikmakarna" - Tónleikaraskúli í Svøríki
• Student Radio Chart
• Air Chrysalis Scandinavia
• Planet Awards 2009

Slóðir úteftir

• Brandur Enni Official Website
• Brandur Enni á MySpace
• "Musikmakarna" - Tónleikaraskúli í Svøríki
• Suðuroyar Kunningarstova - Um Jóansøkufestivalin
• last.fm
• Artist direct um Brandur Enni
• Hvonn Live: Samrøða við Brand Enni, portal.fo