Bahamaoyggjar

Frá Wikipedia, hin frælsa alfrøðin
Far til: navigatión, leita
Commonwealth of the Bahamas
Samveldið Bahamaoyggjar
Flagg Bahamaoyggjar
(Flagg Bahamaoyggjar)
Skjaldarmerki Bahamaoyggjar
(Skjaldarmerki Bahamaoyggjar)
Tjóðarslagorð: "Forward Upward Onward Together"
Tjóðsangur: "March On, Bahamaland"
LocationBahamas.png
Alment mál Enskt
Høvuðsstaður Nassau
Drotning Elisabeth II
Forsætisráðharri Hubert Ingraham
Fullveldi 10. juli 1973
(frá Bretlandi)
Vídd
 - tilsamans
 - vøtn (%)
 
13,939 km²
28 %
Íbúgvar
 - tilsamans 2011
 - tættleiki
 
353 658
25.4/km²
Gjaldoyra Bahama-Dollari (BSD)
Tíðarøki UTC -5
Økisnavn á alnetinum .bs
Telefonkota +1-242

Samveldið Bahamaoyggjar (alment enskt heiti: Commonwealth of the Bahamas) er ein oyggjabólkur í Karibia. Høvuðsstaður eitur Nassau. Fólkatalið er umleið 353 000. Mesta fólkið er afrikanarar, men eisini er ein hvítur minniluti. Almenna málið er enskt.

Ferðamannavitjanin er nógv.

Navnauppruni[rætta | rætta wikitekst]

Spaniamenn kallaðu oynna Bajamar, sum merkir grunt vatn.

Søga[rætta | rætta wikitekst]

Tað var á oynni San Salvador í Bahamaoyggjum, at Kristoffur Kolumbus steig fótin á land, tá ið hann fann nýggja heimin í 1492. Seinni settu bretar seg niður í oyggjunum, og vóru tær bretskt hjáland til 1973.

Landafrøði[rætta | rætta wikitekst]

Bahamaoyggjar eru um 700 koralloyggjar, ið eru stutt eystur úr strondini í Florida í USA.

Politikkur[rætta | rætta wikitekst]

Bahamaoyggjarnar eru limir í ST, WTO og The Commonwealth.

Búskapur[rætta | rætta wikitekst]

Nú eru oyggjarnar satt frítíðarparadís, og fólk úr øllum heiminum koma hagar. Fólk úr øllum heiminum koma at ferðast á flógvu sandstrondunum í Bahamaoyggjum. Ferðavinnan hevur alstóran týdning fyri búskapin, og stívliga helvtin av fólkinum í landinum arbeiðir á gistingarhúsum, í handlum og á matstovum. Freeport, á oynni Grand Bahama, er størsti ferðavinnubýur, og har er djúp og góð havn til stór skip, ið eru á rundferð í Karibiahavi.

Bahamaoyggjar eru eisini týdningarmikil fíggjarmiðdepil, tí at skattalógirnar og avgjaldslógirnar eru so lagaligar. Í Danmark í 2010 hevur skattavaldið lagt sak ímóti 211 starvsfólkum hjá reiðarínum Clipper, tí tey hava fingið ein part av lønini umvegis Bahamas og uttan um skattaskipanina. Skattavaldið hevur avdúkað, at Clipper rindaði starvsfólkinum ta føstu lønina ígjøgnum ta donsku skattaskipanina, men at bonuspengar vórðu goldnir umvegis Bahamas. Talan var ofta um fleiri hundraðtúsund krónur, og teir pengarnar hevur danska skattavaldið ongantíð sæð.

Mentan[rætta | rætta wikitekst]

Um ársskiftið er lívligt á gøtunum í Bahamaoyggjum, tí at tá eru Junkanoo-skrúðgongurnar við dansi og tónleiki. Henda veitsla hevur røtur aftur í farnar dagar. Søgnin sigur, at tá ið afrikanskur høvdingi, nevdur John Canoe, var førdur higar sum trælur, lótu teir hann halda veitslu eftir afrikonskum siði.

Myndarøð[rætta | rætta wikitekst]

Wikimedia Commons logo
Sí miðlasavnið


Lond í Norðuramerika
Antigua og Barbuda | Bahamasoyggjar | Barbados | Belis | Dominika | Dominikanalýðveldið | El Salvador | Grenada | Guatemala | Haiti | Honduras | Jamaika
Kanada | Kosta Rika | Kuba | Meksiko | Nikaragua | Panama | St. Kitts og Nevis | St. Lusia | St. Vinsent og Grenadinoyggjar | Trinidad og Tobago | USA
Sjálvstýrandi øki: Anguilla | Aruba | Amerikonsku Jómfrúoyggjar | Bermuda | Bretsku Jómfrúoyggjar | Caymanoyggjar | Grønland
Guadeloupe | Martinique | Montserrat | Niðurlendsku Antilloyggjar | Puerto Riko | Saint-Pierre og Miquelon | Turks- og Caicosoyggjar