Frá Wikipedia, hin frælsa alfrøðin

Vísindaflokking
Ríki: Animalia
Rað: Arthropoda
Flokkur: Insecta
Hópur: {{{hópur}}}
Familja: Apoidea

Býur, ella hunangsbýur (skeivt nevnt 'býflugur'[1] (Apidae) liva ikki vilt í Føroyum, men bæði í 19. og í 20. øld hava menn hildið býur.

Katólski presturin Georg Bauer, sum búði í Rættará í Havn í húsunum, sum í dag nevnast Christines Minde, var kendur fyri sín framúrskarandi vakra urtagarð, har hann millum annað hevði súreplatrø og býbýli. Bauer kom til Føroya í 1857, og má hetta tí hava verið í seinnu helvt av 1800-talinum.

Aftan á seinna heimsbardaga hevði Poul Skade (Schade?), sum var amtsfuldmægtig í Føroyum, saman við ríkisumboðsmanninum hunangsbýur í garði sínum undir Varða í Havn. Tá Skade doyði í 1951, vórðu býurnar sleptar leysar.

Tær størru humlurnar livdu hinvegin vilt í Føroyum í víkingatíðini, og í 2011 varð aftur staðfest [2] , at humlur ynglaðu í Føroyum.

Keldur[rætta | rætta wikitekst]

  1. http://www.fmn.fo/listar/nyggj_ord/Nyggj-tidar.htm
  2. http://www.jenskjeld.info/FO_side/indexfo.htm
  • Michelsen, Anna Cathrine: Katolikkarnir í Havn. Í: Varðin 10, 1930
Wikimedia Commons logo
Wikimedia Commons logo
Sí miðlasavnið