Búrfiskur

Frá Wikipedia, hin frælsa alfrøðin
Far til: navigatión, leita
Búrfiskur
Orange roughy.png
Støða
Vísinda flokking
Ríki: Animalia
Rað: Chordata
Flokkur: Actinopterygii
Røð: Beryciformes
Familja: Trachichthyidae
Ætt: Hoplostethus
Slag: H. atlanticus
Faroe stamp 251 orange roughy (hoplostethus atlanticus).gif

Búrfiskur (frøðiheiti - Hoplostethus atlanticus) verður til støddar uml. 70 cm. Hann er hávaksin við stórum høvdi, hægstur (1/3 av longdini) beint aftan fyri høvdið. Kjafturin er stórur, svartur innan og stendur á skák. Hann hevur fleiri píkar á høvdinum, og roðslan eftir strikuni er beinakend og á hesum fiskaslagi størri enn annars. Liturin á kroppinun er fagurt reyðgulur, og høvdið reytt. Í Norðuratlanshavi er hann undir Íslandi og suður til Biskayavíkina og við Azorurnar. Annars livir hann á sunnaru hálvu. Við New Zealand, Australia og Tasmania eru tað í fleiri ár fiskaðar stórar nøgdir av búrfiski. Á okkara leiðum er hann fyri tað mesta fingin djúpari enn 600 m og oftast fram við brøttum hellingum og fram við tindum í sjónum. Á sunnaru hálvu veksur fiskurin sera spakuliga, og í Australia rokna fiskifrøðingar við, at bert uml. 3% av samlaðu stovnunum kunnu fiskast árliga, uttan at stovnurin minkar.

Kelda[rætta | rætta wikitekst]