Argja Bóltfelag

Frá Wikipedia, hin frælsa alfrøðin
Far til: navigatión, leita
Argja Bóltfelag
Navn Argja Bóltfelag
Kelinavn AB
Stovnað 15. august, 1973
Leikvøllir Argir Stadium
Rúmd 2,000
Formaður Flag of the Faroe Islands Andrass Drangastein
Høvuðsvenjari Flag of the Faroe Islands Sámal Erik Hentze
Liga Effodeildin
2013 7
Heimasíða http://www.ab.fo
Lið litir Lið litir Lið litir
Lið litir
Lið litir
 
Heimavøllur
Lið litir Lið litir Lið litir
Lið litir
Lið litir
 
Útivøllur

Argja Bóltfelag (stytt AB) er eitt føroyskt fótbóltsfelag, sum varð stovnað 15. august 1973.

Søga[rætta | rætta wikitekst]

Tað var danin Johnny Nyby saman við øðrum ítróttaráhugaðum á Argjum, sum breyt slóð fyri AB.

Á vári 1974 fekk AB sína fyrstu nevnd. Í henni sótu: Johnny Nyby, formaður, Fróði Olsen, næstformaður, Sonja á Argjaboða, kassameistari og Kristian Arge, skrivari. Hinir stjórnarlimirnir vóru: Erling Olsen, Sæmundur Mortenen og Jens Hansen. Sama árið luttók felagið í teimum regluligu kappingunum.

Vánaligar venjingarumstøður vóru at byrja við - bert ein trongligur skúlagarður. Seinni fekst eitt stykki niðan fyri skúlan at íðka á, sum var 20 x 40 fermetrar til støddar.

Eingin vøllur var á Argjum tá, men við vælvild frá fótbóltsfeløgunum í Havn og Tórshavnar Býráð, kundi AB læna vøllin í Gundadali at venja og leika dyst á, og soleiðis var gjørligt at halda lív í felagnum.

Fótbóltsvøllurin á Argjum eftir at nýtt graslíki var lagt á í 2010. Dysturin var seinasta leikumfarð í Vodafonedeildini millum AB og FC Suðuroy, bæði liðini ryktu niður í 1. deild.
AB hevur eisini eitt lið í bestu kvinnudeildini. Her spæla tær móti FC Suðuroy í 2012, tær vunnu dystin 5-0.

Í 1983 varð fótbóltsvøllur gjørdur á Argjum. Hetta betraði munandi um umstøðurna hjá felagnumr. Í 1985 bleiv AB húsið bygt. Hetta varð gjørt tí innrættað hølistrupuleikar vóru í skúlanum. Ovara hæddin í húsinum varð gjørt til tvær skúlastovur. AB húsast soleiðis í neðra í húsinum. Nú í nøkur ár hevur frítíðarskúlin húsast í ovaru hæddini.

Í 1998 varð graslíkið lagt á vøllin, og felagið fekk somu umstøður sum flest øll feløg í landinum.

Í 2010 varð aftur nýtt graslíki lagt á fótbóltsvøllin á Argjum og harumframt var eitt áskoðaraskýli bygt. Bæði graslíkisvøllurin og nýggja áskoðaraskýlið vóru tikin í nýtslu á Ólavsøku.[1]

Keldur[rætta | rætta wikitekst]

AB í dysti móti FC Suðuroy í Vodafonedeildini, 2010.
  1. Vágaportalurin, Nýtt áskoðaraskýli og graslíki á Argjum tikið í nýstlu.

Útvortis ávísingar[rætta | rætta wikitekst]

Wikimedia Commons logo
Sí miðlasavnið

AB.fo, heimasíðan hjá AB